Алма-Ата шаарында кыйраган учакта набыт болгон кыргызстандыктардын сөөгү Бишкекке жөнөтүлдү. Бул тууралуу «24.kg» агенттигине Тышкы иштер министрлигинен билдиришти.
Кыргызстандын Алма-Атадагы башкы консулдугунун маалыматында, учактын командири Геннадий Цой менен инженери Бейшебек Акматбаевдин сөөгүн жакындары таанышкан. Авиакомпания набыт болгондордун сөөгүн мекенине жеткирип бермей болду.
Эскерте кетсек, 3-октябрда East Wing авиакомпаниясына тиешелүү Ан-28 учагы Алма-Атадан Шымкентке учуп бара жатып, абага көтөрүлгөндөн 12 мүнөттөн кийин радардан жоголгон. Ал аба майдандан 28 километр алыстыкта кулап түшүп, күйүп кеткен. Учактагы беш киши мерт кетти.
