«Элдик парламенттин» мүчөлөрү Бекболот Талгарбеков, Марат Султанов, Толубай Колубаев, Тойгонбек Калматов жана Александр Гусевге бүгүн сот өкүмү чыкты. Соттун билдирүүсүндө, териштирүүнүн жүрүшүндө айыпталуучулардын күнөөсү далилденди.
Бекболот Талгарбеков жана Толубай Колубаев 14 жылга эркинен ажыратылып, мөөнөтүн күчөтүлгөн тартиптеги түрмөдө өтөйт. Ал эми Марат Султанов 10 жылга, Тойгонбек Калматов 5 жылга шарттуу, Александр Гусев 6 жылга шарттуу түрдө кесилди.
Эскерте кетсек, аталган жарандарга каршы УКМК 2016-жылы кылмыш ишин козгогон. Алар Кылмыш кодексинин 27 берененин 295 бөлүгү — «бийликти күч менен басып алууга даярдануу» жана 341 бөлүгү — «Бийлик өкүлдөрүнө күч колдонууга даярдык» айыбы тагылган.
