Чет өлкөдө жашаган этникалык кыргыздар үчүн жогорку окуу жайлардан 75 гранттык орун бөлүнөт. Бул тууралуу өкмөт маалымдайт.
Өкмөт 2017–2018-жылга карата мамлекеттик окуу жайлардагы гранттык орундарды коомдук талкууга чыгарды.
Жалпысынан 5 миң 705 студент бюджеттин эсебинен окуй алат.
Ал орундардын 140ы — эл аралык келишимдердин алкагында, 100ү майыптар жана жетимдерге, 40ы 2002-жылы Аксы окуясында, 7-апрелде, 2010-жылдын май жана июнь айларындагы Ош коогалаңында, кайрылман макамына ээ болгондорго берилет. Дагы 50 оурн жалпы республикалык тесттен жогору балл алгандар үчүн бөлүндү.
Мында Билим берүү министрлигине - 4 миң 914, Саламаттыкты сактоо министрлигине - 330, Маданият, маалымат жана туризм министрлигине -236, ИИМге - 125, Коргоо иштери боюнча мамлекеттик комитетке - 100 гранттык орун берилди.
