Бишкекте 13-июнда салттуу болуп калган «Night Run» түнкү чуркоосу өтөт, ага 3 миң 500дөн ашык катышуучу чогулат. Бул тууралуу борбор калаанын мэриясы билдирди.
Катышуучулар «Аю Grand» соода борборунун жанынан старт алып, кайра ошол жерден финишке келишет. Иш-чара саат 19:30дан 23:00гө чейин созулат.
Жарыш Шабдан баатыр проспектисинин түштүк тарабы менен Лермонтов көчөсүнөн Мухтар Ауэзов көчөсүнө чейин, ошондой эле Чокан Валиханов көчөсү аркылуу Анкара көчөсүнөн Шабдан баатыр проспектисине чейин эки багытта өтөт.
Спорттук иш-чарага байланыштуу 13-июнда саат 20:30дан 23:00гө чейин жогоруда айтылган аймактарда жол кыймылы убактылуу чектелет.
