Кыргыз Республикасынын Улуттук гвардиясынын Ардак кароолунун ротасы Канттагы авиабаза аркылуу Москва жана Минск шаарларына жөнөп кетти.

КР Коргоо министрлигинен билдиришкендей, Улуу Ата Мекендик согуштагы Жеңиштин 80 жылдыгына арналган парадга аскер контингенти катышат.

«Бул Кыргызстандын сыртында кароолдор катышкан биринчи парад эмес. Улуттук гвардиянын Ардактуу кароол ротасы Пекин, Москва жана Минск шаарларында өткөн аскердик параддарга катышты», — деп билдирди Коргоо министрлиги.

 

Кыргыз Республикасынын Коргоо министрлигинин фотосу. Кыргыз Республикасынын Улуттук гвардиясынын Ардак кароолунун ротасы

Буга чейин 9-майда Кыргызстандын президенти Садыр Жапаров Москвадагы Жеңиш парадына катышары маалымдалган. Ошондуктан парадды Бишкекте 8-майда өткөрүү чечими кабыл алынды.