Алдамчылардын курмандыгы болгон жети жаран Мьянмадан Кыргызстанга алынып келди

Кыргызстандын Тышкы иштер министрлиги Мьянмадан жети кыргызстандыкты эвакуациялоону уюштурду. Бул тууралуу аталган мекемеден билдирди.

Алдын ала маалыматтарга караганда, кыргызстандыктар эмгек миграциясындагы алдамчылык схемалардын курмандыгы болуп калганы айтылат. Алар Мьянманын ичиндеги аскерий лагерлерде мыйзамсыз түрдө жогорку маяналуу жумуш сунуштарын кабыл алышкан.

Тышкы иштер министрлиги Таиланддын компетенттүү органдарына, ошондой эле Казакстан менен Өзбекстандын Бангкоктогу дипломатиялык өкүлчүлүктөрүнө алардын мекенине аман-эсен кайтып келишине көмөк көрсөткөндүгү үчүн ыраазычылык билдирди.

Министрлик Түштүк-Чыгыш Азия өлкөлөрүндө адам соодасына байланыштуу окуялар көп болуп жатканын билдирип, Кыргызстандын жарандарын чет өлкөдө ишке киргизүү боюнча сунуштарды кароодо этият болууга чакырды.