Бүгүн, 8-апрелде президенттин Ысык-Көл облусундагы ыйгарым укуктуу өкүлү Бакытбек Жетигенов Ак-Суу районунун активине жаңы акимди тааныштырып, президенттин 2025-жылдын 4-апрелиндеги буйругун окуп берди деп маалымдайт обладминистрация.
Канатбек Калдаралиев — жогорку билимдүү, мамлекеттик башкаруу жана укук жаатындагы адистиктер боюнча магистр. Эмгек жолун мугалимдиктен баштап, мамлекеттик кызматтын ар кайсы тепкичтеринен өткөн. Акыркы кызмат оруну — Сокулук районунун мамлекеттик администрациясынын аппарат жетекчиси.
Фото Ысык-Көл облустук администрация. Канатбек Калдаралиев
Ал өзүн жоопкерчиликтүү жана уюштуруучулук жөндөмү жогору мамлекеттик кызматкер катары таанытып, бир катар мамлекеттик жана ведомстволук сыйлыктарга ээ болгон.
