Эртең, 25-марттан тарта Бишкек шаарындагы Жибек Жолу, Жаш гвардия, Медеров көчөлөрүнүн айрым бөлүктөрү реконструкцияга жабылат.
Мэрия билдиргендей, транспорт кыймылы үчүн төмөнкү көчөлөр жабылат:
- Жибек Жолу проспектисинин Лермонтов көчөсүнөн Буденный көчөсүнө чейинки бөлүгүнүн түштүк тарабы жабылат. Түндүк тарабы убактылуу эки тараптуу болот.
- Жаш гвардия бульварынын Бөкөнбаев көчөсүнөн Москва көчөсүнө чейинки бөлүгүнүн батыш тарабы жабылат. Чыгыш тарабында убактылуу эки тараптуу кыймыл уюштурулат.
- Медеров көчөсүнүн 7-апрель көчөсүнөн Юнусалиев көчөсүнө чейинки бөлүгүндө оңдоп-түзөө иштери жүрөт.
Коомдук транспорттун кыймылында өзгөрүүлөр болбойт.
