Эсеп палатасы Чолпон-Ата шаарынын бюджетинде миллиондогон сомдук мыйзам бузууларды текшерүү учурунда аныктады. Мекеменин маалыматы боюнча, 22 миллион 727,9 миң сомдук мыйзам бузуулар аныкталган.
Кыргыз Республикасынын Эсеп палатасы белгилегендей, бюджеттик каражаттарды максатсыз пайдалануу 213,7 миң сомду түздү. Анын ичинде бюджеттик сметада каралбаган чыгашаларды төлөөгө каражаттар, ал эми резервдик фонддун каражаттарын Кыргыз Республикасынын мыйзамдарында каралбаган максаттарга пайдалануу бөлүштүрүү шарттары аныкталган.
Капиталдык салымдарга жана курулуш иштерине бюджеттик каражаттарды пайдалануудагы мыйзам бузуулар 1 млн 634,7 миң сомду түзгөн.
Товарларды, жумуштарды жана кызмат көрсөтүүлөрдү сатып алууда 19 млн 890,8 миң сомдук мыйзам бузууларга жол берилген.
Ал эми орду толтурулууга тийиш болгон 1 миллион 634,7 миң сомдун 16,2 миң сому гана кайтарылган.
