Жогорку Кеңештин жыйынында төрага Нурланбек Шакиев депутаттарга президент Садыр Жапаров жолдорду оңдоо жана куруу үчүн 1 миң 250 даана атайын техника алынганы тууралуу маалымат бергенин билдирди.
Анын айтымында, техникалар үстүбүздөгү жылдын 15-20-декабрында Кыргызстанга алынып келинет. Парламент спикери кошумчалагандай, 750 техника Транспорт министрлигине караштуу жол фондунан алынган каражатка алынган.
«Президент 2027-жылдан тарта жол фондунун жардамы менен Кыргызстандын бардык жолдоруна асфальт төшөлүп, айылдардын ичине гана эмес, жайлоолорго да барарын айтты», — деди төрага.
