Бейрасмий маалыматтар боюнча Чикагонун консулдук округунда 40 миңден ашуун кыргызстандык жашайт. Бул тууралуу Кыргызстандын Чикагодогу башкы консулу Болотбек Борбиев Жогорку Кеңештин Эл аралык иштер, коргонуу, коопсуздук жана миграция боюнча комитетинин жыйынында билдирди.
Кыргыз Республикасынын дипломатиялык өкүлчүлүгүнүн консулдук округуна АКШнын 31 штаты кирет: Айдахо, Айова, Аризона, Арканзас, Вайоминг, Вашингтон, Висконсин, Гавайи, Иллинойс, Индиана, Калифорния, Канзас, Кентукки, Колорадо, Луизиана, Миннесота, Миссисипи, Миссури, Мичиган, Монтана, Небраска, Невада, Нью-Мексико, Огайо, Оклахома, Орегон, Түндүк Дакота, Теннесси, Техас, Түштүк Дакота жана Юта.
