УКМК Жалал-Абад шаарындагы эки жеке компаниянын жер тилкелерин мамлекетке кайтарды. Бул тууралуу ведомствонун басма сөз борбору билдирди.
Маалыматка ылайык, кылмыштуу кирешелерди легалдаштыруу жана легализациялоо боюнча козголгон кылмыш ишинин алкагында Азимов көчөсүндөгү 6,5 гектар жер тилкелери мамлекетке кайтарылды.
Алдын ала эсептөөлөр боюнча, жердин жалпы баасы 250 миллион сомдон ашык болгон.
Башка мыйзамсыз менчиктештирилген жер тилкелерин аныктоо жана кайтаруу иштери жүрүп жатат.
