Кыргызстан мусулмандар дин башкармалыгы ысыктан улам ажылык учурунда каза тапкандардын арасында кыргызстандыктар жок экендигин билдирди.
Маалыматка ылайык, 6 миңден ашык кыргызстандык зыяратчы ажылык сапарда жүрөт.
«Ажылыкка кеткен кыргызстандык зыяратчылар 22-июндан тарта мекенибизге кайта башташат. Алардын алгачкы тобу Оштогу аэропортко келет. Быйылкы жылы 6060 жараныбыз Сауд Аравияда ажылык амалдарын аткарып жүрүшөт», — деп жазылат маалыматта.
Белгилей кетсек, Сауд Аравиядагы ысыктан улам ажылык учурунда кеминде 550 зыяратчы каза болгондугун чет элдик басылмалар жазып чыкты.
