Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитетинин жыйынында министрлер кабинетинин төрагасынын биринчи орун басары Адылбек Касымалиев административдик-аймактык реформанын алкагында Кант жана Кара- Балта райондук маанидеги шаарларга айланаарын билдирди.
Анын айтымында административдик-аймактык реформа учурунда Чүй облусунда 105 айыл аймагы биригүүдөн улам 49га кыскарып, дагы 8и Бишкекке өткөрүлөт.
Эске сала кетсек, административдик-аймактык реформа боюнча мыйзам долбоору Жогорку Кеңештин кароосуна киргизилген. «Кыргыз Республикасынын айыл аймактарынын жана шаарларынын деңгээлиндеги административдик-аймактык бирдиктер жөнүндө», «Кыргыз Республикасынын административдик-аймактык түзүлүшү жөнүндө» Кыргыз Республикасынын Мыйзамына өзгөртүүлөрдү киргизүү тууралуу«, «Кыргыз Республикасынын айрым мыйзам актыларына өзгөртүүлөрдү киргизүү тууралуу» мыйзам долбоорлору. Кыргыз Республикасын административдик-аймактык түзүлүштүн алкагында" реформасын депутаттардын кароосуна коюшту.
