Бишкек шаардык соту Чынтемир Аширалиевге байланыштуу отурумду 15-январга жылдырды. Ал борбор калаанын 5-кичи районунда үч адамды өлтүргөн деп айыпталууда.
Бүгүн шаардык сот айыпталуучунун апелляциялык арызын карап, ал көрсөтмө берди. Бөлүнгөн убакыттын аякташына байланыштуу отурум кийинкиге жылдырылды.
Эске салсак, Бишкектин Октябрь райондук соту Чынтемир Аширалиевди күнөөлүү деп таап, мүлкүн конфискациялоо менен өмүр бою эркинен ажыраткан.
Сот аны жабырлануучу тараптын пайдасына 671,5 миң сом жана моралдык зыян катары 3 миллион сом төлөп берүүнү милдеттендирген.
