Жети-Өгүз районунун Кызыл-Суу айылындагы таштанды челектердин жанынан 37 жаштагы аялдын сөөгү табылды. Бул тууралуу Ысык-Көл облустук ички иштер башкармалыгынын басма сөз кызматы билдирди.
Маалыматка ылайык, «адам өлтүрүү» беренеси боюнча кылмыш иши козголуп, шектүү катары 45 жаштагы жаран кармалды. Ал каза болгон аял менен чогу жашашканын айткан.
Фото Шектүү
«Белгилүү болгондой, алар уруша кетишип, шектүү маркумдун башына балка менен уруп, андан кийин муунтуп өлтүргөн. Анын сөөгүн тогуз күн үйүндөгү ашканада кармап, андан кийин таштанды челектердин жанына таштап кеткен», — деп айтылат маалыматта.
Тергөө иштери жүрүп жатат. Жети-Өгүз райондук сотунун чечими менен шектүү эки айга камакка алынды.
