Кыргызстанда бир жумада, 27-ноябрдан 3-декабрга чейин курч мүнөздөгү респиратордук вирустук инфекция жана сасык тумоо менен ооругандардын саны 5 миң 737ге жетти. Бул тууралуу Ооруларды алдын алуу жана мамлекеттик санитардык-эпидемиологиялык көзөмөл департаменти билдирди.
Маалыматка ылайык, жабыркагандардын 67,2 пайызын 14 жашка чейинки балдар түзөт.
Өткөн жумага салыштырмалуу ооругандардын саны көбөйгөн.
Лабораториялык изилдөөлөрдүн жыйынтыгы боюнча Ош шаарында сасык тумоонун маал-маалы менен пайда болуучу учурлары катталып жатат.
Бишкекте эпидемиологиялык кырдаал туруктуу. Лабораториялык жыйынтыктар боюнча парагрипп, сезондук коронавирус, аденовирус жана метапневмовирус сыяктуу курч мүнөздөгү респиратордук вирустук инфекциялардын катталышы байкалууда.
