14:43
USD 87.86
EUR 93.94
RUB 1.00

Караколдо жолдошу жубайын компьютердин монитору менен сабаган

Караколдо жолдошу 40 жаштагы жубайын компьютердин монитору менен сабаган. Бул тууралуу Х (Twitter) социалдык тармагында укук коргоочу Камиль Рузиев билдирди.

Анын айтымында, жабырлануучу дүкөндө иштейт. Күйөөсү анын иш жерине келип, өлтүрөм деп коркутуп, бир нече жолу монитор менен урган.

Жабырлануучу мындай нерсе биринчи жолу болбогонун айтты. Үй бүлөлүк зомбулуктан жабыркаган аял милицияга жардам сурап кайрылды.

Укук коргоочу 24.kg агенттигине Ысык-Көл облустук ооруканасынын дарыгерлери медициналык текшерүүнү Стамбул протоколу боюнча толтурушпаганын билдирди. Нөөмөтчү тергөөчүдөн жабырлануучуга жардам берүүнү суранышкан. Дайындалган экспертизанын жыйынтыгы боюнча, ал баш сөөгүнөн жаракат алып, мээси чайкалган.

Камиль Рузиев аял 20 жылдан бери үй-бүлөлүк зомбулуктан жапа чегип келгенин кошумчалады.

Эң көп окулган жаңылыктар