Өзгөчө кырдаалдар министрлиги аба ырайы кескин өзгөрүп, тоолуу райондордо кар жаай турганынын билдирди.
31-октябрда эртең менен жана күндүз, ошондой эле 1-2-ноябрда Кыргызстандын аймагында аба-ырайынын кескин өзгөрүлүшү күтүлүүдө.
31-октябрда көпчүлүк аймактарда жаан, тоолуу райондордо кар, Чүй, Талас, Ош, Жалал-Абад, Ысык-Көл облустарынын айрым жерлеринде жаан-чачын катуу жаашы күтүлөт.
Батыштан соккон шамалдын ылдамдыгы секундасына 4-9 метрге, айрым жерлерде 15-20 метрге жетиши мүмкүн.
31-октябрда жана 1-2-ноябрь күндөрү абанын температурасы төмөндөп, тоолуу аймактарда −8 градуска чейин түшүшү мүмкүн.
Мындай туруксуз аба-ырайы унаа, энергетика, коммуналдык кызматтардын ишин жана жайыттарда малды кармоону кыйындатат
