Бардык билим берүү уюмдарында жаңы окуу жылы 1-сентябрда башталып, 2024-жылдын 25-майында аяктайт. Бул тууралуу Билим берүү министрлигинин басма сөз кызматы билдирди.

Маалыматка ылайык, мектеп каникулдарынын графиги дагы бекитилди:

• Күзгү каникулдар 6-ноябрдан 12-ноябрга чейин созулуп, сабактар 13-ноябрдан башталат.
• Ал эми кышкы каникулдар 1-январдан 14-январга чейин пландалып, 15-январдан баштап окуучулар мектепке бара башташат.
• Жазгы каникулдар 21-марттан 31-мартка чейин белгиленди. Сабактар 1-апрелден башталат.

Биринчи класстардын окуучулары үчүн III чейректе кошумча бир жумага жазгы каникул узартылат.