Жогорку Кеңеш Адахан Мадумаровду кылмыш жоопкерчилигине тартууга уруксат берди. Чечим кечээ парламенттин жыйынында кабыл алынды.
Башкы прокуратуранын сунушу боюнча депутаттык комиссиянын чечимин 71 эл өкүлү колдоп, 17 каршы чыкты.
Депутаттык комиссия Адахан Мадумаровго коюлга айыптын бирөөсү боюнча гана жоопко тартууга уруксат берди. Ал 2009-жылы кыргыз-тажик чек арасы боюнча кол коюлган № 5-протоколго байланыштуу иш. Башкы прокуратура «Бийликтен аша чабуу» беренеси боюнча иш козголгон.
Эл өкүлдөрү Адахан Мадумаровдун Кемпир-Абад суу сактагычын коргоо комитетинин жыйынында сүйлөгөн сөзүндө «Массалык башаламандык», «Бийликти күч менен басып алуу» аракети жок деп тапты.
Мындан ары депутаттын иши сотко өтүп, соттук териштирүү күтүлөт.
