Ташкенттеги курулуш компанияларынын биринде иштеген 20 жумушчу тамак-ашка ууланып, ооруканага жеткирилди. Бул тууралуу Өзбекстандын Санитардык-эпидемиологиялык кызматы билдирди.
Маалыматка караганда, бейтаптарга алгачкы медициналык жардам көрсөтүлдү. Учурда абалдары туруктуу.
Кайсы курулуш компаниясынын жумушчулары ууланганы, тамак кайсы жерде, кандай шартта жасалганы айтылган жок.
Санитардык-эпидемиологиялык кызмат өзбекстандыктарды сапаты текшерилбеген азык-түлүктөрдү колдонбоого, тамак даярдоо учурунда санитардык-гигиеналык эрежелерди сактоого үндөдү.
