Ноябрда Өзбекстанда керектөө секторунда товарлардын жана кызматтардын баасы орто эсеп менен 1,3% жогорулады. Бул тууралуу республиканын Мамлекеттик статистика комитети билдирди.
Ведомствонун маалыматына караганда, керектөө бааларынын индексинин өсүү ыргагы 12,3 пайызга жетти.
Ноябрда эң эле көп азык-түлүк товарлары кымбаттады, бир ай аралыгында орто эсеп менен баа 2% жогорулады.
Ушул эле убакыт аралыгында тамак-аштан башка товарлар 0,9%, калкка кызмат көрсөтүү баасы 0,8% өстү.
Жергиликтүү басылмалар билдиргендей, Өзбекстан өкмөтү 2022-жылы инфляциянын деңгээлин 9% жана кийинки жылдары 5% төмөндөтүүгө ниеттенүүдө.
Расмий статистикага караганда, Өзбекстанда инфляция 2017-жылы 14,4%, 2018-жылы 14,3%, 2019-жылы 15,2% жана 2020-жылы 11,1% түзгөн.
