Жогорку Кеңеште кайра эле «Пирамида» телеканалына парламенттик макамын берүүнү сунушталууда. Бул боюнча Жогорку Кеңештин Транспорт, коммуникациялар, архитектура жана курулуш боюнча комитетинин жыйынында депутат Бакыт Сыдыков билдирди.
Анын айтымында, башка өлкөлөрдүн парламенттеринде өз телеканалдары бар.
«Бул маселени кабыргасынан коюп чечсек. Парламенттин карамагына өткөрүп алсак. Аппарат жолдорун карап чыкса», — дейт ал.
Учурда «Пирамида» телеканалына парламент 16 миллион сом карыз.
Белгилей кетсек, буга чейин дагы «Пирамидага» парламенттик макамын ыйгаруу маселеси көтөрүлгөн.
