Кыргызстан Тажикстанга чек арасын коргоого жардам көрсөтүүгө даяр. Бул тууралуу УКМКнын төрагасы Камчыбек Ташиев маалымат жыйында билдирди.
Анын айтымында, Кыргызстан «Талибан» кыймылына каршы ЖККУнун алкагында кызматташат.
«Ооганстандагы кырдаал Борбордук Азия өлкөлөрүнүн коопсуздугуна коркунуч жаратууда. Андыктан ЖККУ алкагында аракеттерге Кыргызстан катышып, Тажикстандын чек арасын коргоого аскерлерин жөнөтүүгө даяр», — деди Камчыбек Ташиев.
