COVID-19. Бир суткада 362 кишиден вирус аныкталып, беш адам каза болду
09:30, 07 июня 2021, Бишкек - 24.kg
Бир суткада 362 кишиден вирус аныкталды. Бул тууралуу Саламаттыкты сактоо министрлиги билдирди.
Маалыматка караганда, Бишкек шаарында — 209, Ош шаары — 39, Чүй облусу — 30, Ош облусу — 30, Талас облусу — 3, Нарын облусу — 7, Ысык-Көл облусу — 16, Жалал-Абад облусу — 19, Баткен облусу — 9 кишиден вирус табылды.
COVID-19 илдетинен Бишкек шаарында үч, Чүй облусунда эки бейтап каза болду.
2020-жылдын март айынан бери 107 миң 335 киши вируска чалдыгып, 1 миң 852 бейтап көз жумду.
