06:54
USD 89.47
EUR 96.56
RUB 0.97

Бишкекте кыргыз күрөшү боюнча республикалык чемпионат өтөт

Бишкекте кыргыз күрөшү боюнча республикалык чемпионат өтөт. Бул тууралуу Жаштар иштери, дене тарбия жана спорт боюнча мамлекеттик агенттигинен билдиришти.

Мелдеш 22-23-март күндөрү Каба уулу Кожомкул атындагы Спорт ордосунда өтөт.

Күрөш таймашына өлкөбүздүн 7 облусунан жана Ош, Бишкек шаарларынан спортчулар катышып, 55 кг, 60 кг, 66 кг, 74 кг, 84 кг, 96 кг, 96 кг жогору салмакта күч сынашат.

Чемпионаттын жыйынтыгы боюнча кыргыз күрөшү боюнча Кыргызстандын курама командасынын курамы түзүлүп, алар дүйнөлүк, Азия чемпионаттарында, IV Дүйнөлүк көчмөндөр оюндары жана башка эл аралык мелдештерде Кыргызстандын намысын коргошот.

Кыргыз күрөшү боюнча 2021-жылкы өлкө чемпионаты Спорттун улуттук түрлөрү боюнча дирекциясы жана Кыргыз күрөш федерациясы тарабынан уюштурулуп, өткөрүлөт.

Эң көп окулган жаңылыктар