18:28
USD 73.52
EUR 82.13
RUB 1.07

Бишкекте эмки аптада көзөмөл күчөйт. Комендант үйдөн чыкпоону суранат

Кыргызстанда коронавирусту алгач жуктургандардын инкубациялык мезгили аякташына байланыштуу Бишкек шаарында көзөмөл күчөйт. Бул тууралуу республикалык штабдан билдиришти.

Шаар коменданты Алмазбек Орозалиевдин айтымында, жакынкы бир-эки күндө коронавирусун жуктуруп алган алгачкы оорулуулар менен байланышта болгондордо инкубациялык мезгили аяктайт.

«Ошондуктан алдыдагы 7 күн бою үйдө калып, сыртка чыкпоого суранабыз», — дейт ал.

Белгилей кетсек, оорунун биринчи белгисинин пайда болушуна чейин өтө турган убакыт — 14-21 күн, Кыргызстанда алгачкы учур 18-мартта катталган.

Ага байланыштуу карантиндик аймак кеӊейип, кыймылды чектөө жана адамдардын, унаалардын топтолушун болтурбоо үчүн базарлардын жана супермаркеттердин жанында санитардык-карантиндик посттор коюларын комендатурадан билдиришти.

Эң көп окулган жаңылыктар