Бишкектеги Юнусалиев көчөсүнөн тартип сакчылары менен ЖМК өкүлдөрү биргеликте шек жараткан «ВАЗ-2107» үлгүсүндөгү терезелери караңгылатылган унааны токтотушкан. Бул тууралуу 24.kg агенттигине программанын журналисти билдирди.
Анын айтымында, 1994-жылы туулган айдоочу мас абалда болгон. Ошондой эле анын баңгизатын колдонгонун адистер тастыкташты.
Айдоочуга карата алкоголь жана баңгизатын колдонгондугу, терезесин караңгылатып унаа башкаргандыгы үчүн акт түзүлдү. Унаа айып короосуна киргизилди.
