Быйыл Чүй облусу боюнча ажылык парзын аткаруу үчүн 817 адам Сауд Араб Падышачылыгынын ыйык Мекке жана Медина шаарларына учуп кетишти. Бул тууралуу муфтияттан билдиришти.
Маалыматка караганда, Чүй, Токмок жана Кемин хатибияты биригип 128, Ысык-Ата районунан 137, Кант шаарынан 110, Аламүдүн районунан 97, Сокулук районунан 129, Москва районунан 160 жана Жайыл менен Панфилов райондорунан биригип 56 киши Бишкек шаарындагы «Манас» эл аралык аэропортунан учуп кетишти.
Болочок ажыларды атайын тандоодон өткөн диний билимге ээ болгон, тажрыйбалуу 16 ажы башчы баштап кетишти.
