Кыргыз-тажик чек арасы. Ак-Сайдан аялдар жана балдар чыгарылды

Баткен районунун Ак-Сай айылынан 300дөй тургуну чыгарылды. Бул тууралуу аймактык маалымат каражаттары билдирет.

Алардын маалыматында, аялдар жана балдар Баткен шаарындагы лицейлерге жайгаштырылды.

Чек ара кызматы учурда акыбал тынч экенин кабарлады.

Эскерте кетсек, кечээ кечке жуук Баткен облусунун Баткен районунун Тажикстандын Ворух эксклавы менен кесилишкен аймагында чатак чыгып, ок атышуу болгон. Анда бир киши набыт болгону айтылууда.

Баткендин Ак-Сай районунун тургундары Ворух айылынын жашоочуларынын айыл четине байрак илүүсүнө каршы чыгышкан.