Жол эрежелерин бузугандарды каттоого алчу камералар орун алган жерде инспекторлордун күзөтүшү тууралуу ЖКККББ 24.kg агенттигине түшүндүрмө берди.
Инспекторлор жол кырсыгы болуп кетчү кооптуу аймактарда турат. Алар камера каттабай турган башка жол эрежелерин бузгандарга чара көрөт. Мындан тышкары жол тыгыны болуп калганда коомдук коопсуздукту жөнгө салат.
«Бир эле эреже бузууга эки жолу айып салынбайт. Эгерде айдоочу эреже бузбаса камера аны каттоого албайт. Ошондой эле инспекторлор протокол түзбөйт», -деп билдиришти ЖКККББдан.
Буга чейин окурмандар камера жайгашкан аймакта тартип сакчылары күзөтүп турат деп кайрылышкан.
