06:18
USD 69.74
EUR 79.24
RUB 1.05

Конгантиевдин иши. Күбө катары чакырылган Акылбек Жапаров сотко келген жок

Биринчи Май райондук сотунда ИИМдин мурунку башчысы Молдомуса Конгантиевдин иши боюнча соттук териштирүү уланууда. Отурумдун жүрүшүндө бүгүн күбө катары чакырылган депутат Акылбек Жапаровдун келбей тургандыгы маалым болду.

Судья Мирлан Термечиков күбөгө катталган дареги боюнча чакыруу жөнөтүлгөнүн, бирок ал келбегинин айтты.

«Биз ага катталган дарек боюнча чакыруу жөнөткөнбүз. Акылбек Жапаровдун жардамчысы чалууга жооп бербей жатат. Депутаттын телефону өчүрүлгөн. Биз социалдык түйүн аркылуу байланышууга аракет кылдык, бирок ал жооп берген жок», -деди ал.

Эске салсак, ИИМдин мурунку башчысы 2005-жылдагы март окуяларында шалаакылык мамиле кылгандыгы жана 2010-жылы апрель окуяяясында кызмат абалынан пайдалангандыгы үчүн айыпталууда.

Эске салсак, мурунку ички иштер министри Молдомуса Конгантиевге карата кылмыш иши токтотулганын 24.kg агенттигине анын жактоочусу Икрамидин Айткулов билдирген. Анын айтымында, кылмыш ишинин токтотулушу милициянын генералы кылмыштын курамында болбогондугу менен түшүндүрүлдү.

Эң көп окулган жаңылыктар