Сооронбай Жээнбеков кыргызстандыктарды Орозо айынын башталышы менен куттуктады. Бул тууралуу президенттин маалымат кызматы билдирди.
Өлкө башчысы, Орозо — ыймандуулуктун, жан-дүйнөнү тазалоонун жана сабырдуулуктун айы экенин белгилейт.
«Элибизди тынчтыкты, биримдикти бекемдөөгө, адамдарды бири-бирине жардамдашууга, урмат-сый менен мамиле жасоого чакырат. Орозо айында муктаж адамдарга көңүл буруп, садага берип, достук жана бир туугандык мамилелерибизди бекемдеп, пейилибизди оңдоп, соопчулук иштерин жасайлы», — дейт Сооронбай Жээнбеков.
Президент эл ичине ынтымак, жергебизге бейпилдик тилеп өттү.
