Өмүрбек Текебаевдин иши кайра каралышы мүмкүн. Бул тууралуу Жогорку Кеңеште башкы прокурор Өткүрбек Жамшитов билдирди.
Анын айтымында, «Ата-Мекен» партиясынын лидеринин жактоочулары жаңы кодекстерге ылайык ишти кайра кароого бере алат.
«Азыр иш Жогорку сотко жөнөтүлгөн. Мыйзам алкагында кароого даярбыз», — деди ал.
Өмүрбек Текебаевдин ишин Жогорку сот 23-апрелде карайт. Ошол эле күнү Эски аянтта партия 6 миң киши топтоп, митинг өткөрөт.
Өмүрбек Текебаев «Жемкорлук» беренеси менен 8 жылга эркинен ажыратылган.