Кыргыз-герман бизнес форумунда 1 миллиард еврого келишим түзүлдү

Мюнхен шаарында өткөн кыргыз-герман бизнес форумунда 1 миллиард еврого келишим түзүлдү. Бул боюнча президент Сооронбай Жээнбековдун ГФРнын федералдык канцлери Ангела Меркель менен жолугушуудан кийин журналисттерге билдирди.

Президент Кыргызстан менен Германиянын ортосундагы кызматташтыктын келечектүү багыттарына — соода-экономикалык, өнөр-жай тармагы, гидроэнергетика, жашыл экономиканы өнүктүрүү, айыл чарба жана туризм кирерин, Кыргызстан үчүн Германиялык инвестицияларды тартуу, чакан жана орто ишкердикти түзүү жана айыл чарбада кызматташуу актуалдуу болуп эсептелерин белгиледи.

Кыргыз-герман парламенттер аралык кызматташууну активдештирүү, маданий-гуманитардык жаатта, билим берүү жана илим тармагында мындан ары да тыгыз кызматташууга басым жасалды.

«Бул багыт Кыргызстандын келечеги үчүн жакшы инвестиция болот деп ишенем. Албетте, Кыргызстандын Европа Биримдиги менен кызматташуу маселеси да күн тартибинде турат. 2019-жылы Европа Биримдигинин Борбор Азия боюнча жаңы Стратегиясын кабыл алуусу күтүлөт. Кыргызстан менен Европа Биримдигинин кеңейтилген өнөктөштүк жана кызматташтык боюнча жаңы Келишимге кол коюусу пландалып жатат. Германия тарапка бизге көрсөткөн меймандостугу үчүн ыраазычылык билдирем. Кыргыз Республикасы менен Германия Федеративдүү Республикасынын тыгыз кызматташтыгы мындан ары бекемделет жана өнүгөт деп ишенем», — деп сөзүн жыйынтыктады Сооронбай Жээнбеков.