Чүйдө кичи автобус оодарылып кетти. Бул тууралуу Чүй облустук ИИББдан билдиришти.
Маалыматка караганда, 28-мартта болжол менен 16:00-16:30 чамасында Нарындан Бишкекке келе жаткан «Мерседес-Бенц» үлгүсүндөгү кичи автобустун айдоочусу Милянфан айылынын тушунан бурулуп жатканда, артынан «Ауди» үлгүсүндөгү жеңил унаа келип сүзүп алган.
Кесепетинен кичи автобус капталына оодарылып калган. «Ауди» үлгүсүндөгү унаада отурган 13 жаштагы кыз жеңил жаракат алган, калгандары жабыркаган эмес.
Жол кырсыгынын себептери такталууда. Эки унаа тең айып короого токтотулду.
