22:21
USD 79.50
EUR 92.65
RUB 1.03

Депутаттар Жеңиша Разаковдун кызматтан кетишин талап кылышууда

Парламент депутаттары вице-премьер-министр Жеңиша Разаковдун кызматтан кетишин талап кылышууда. Бул тууралуу 24.kg агенттигине Жогорку Кеңештен билдиришти.

Депутат Исхак Масалиевдин айтымында, Жеңиш Разаков кызматтан өз ыктыяры менен кетиши керек, анткени ал кыргыз-тажик чек арасындагы жаңжалдын алдын ала алган жок.

«Ата Мекен» фракциясынын лидери Алмамбет Шыкмаматов дагы Жеңиш Разаковду кызматын тапшырсын деген пикирде. Айтымында, ЖМКда ал тажик чалгындоосунун агенти деген маалымат чыккан.

«Өкмөт бул маалыматты чагымчыл деп атап, жокко чыгарганына карабай, бизге эч кандай далилдерди берген жок. Акыркы маалыматты УКМК гана бере алат, УКМК текшерүүнү улантып жатат. Менин пикиримде, Жеңиш Разаков кызматтан кетиши керек», -деди Алмамбет Шыкмаматов.

Эске салсак, 13-мартта эки мамлекеттин чек арасында жаңжал чыккан.

Жаңжал Тажикстандын Тожикон айылынын жашоочулары чек араны демаркациялоо иштери аяктаганга чейин Ворух анклавын айланып өтчү Ак-Сай — Тамдык унаа жолунун курулушун токтотууну талап кылгандан кийин башталган.

 
Эң көп окулган жаңылыктар