Кыргызстанда жыл башынан бери күйүүчү-майлоочу майлардын баардык түрүнүн баасы арзандады. Бул тууралуу Улуттук статистика комитетинен билдиришти.
Маалыматка караганда, улуттук статистикалык комитет жума сайын өлкө боюнча күйүүчү майдын орточо талап кылынган баасын эсептеп турат. Отундун бааларын салыштырганда төмөндөгөнү байкалды. Ущул жылдын 1-январынын 9уна чейин А-95 үлгүсүндөгү бензин өлкө боюнча 0,26 сомго арзандаган.
Дизелдик отун жыл башынан бери 0,52 сомго арзандаган. 1-январда солярка 46,17 сом болгон болсо, кечээ анын баасы 45,65 сомду түздү. Бензин (А-92) 0,36 сомго арзандады.
