«Кыргыз темир жолу» мамлекеттик ишканасынын башчысынын орун басары кызматына казакстандын жарандыгы бар кишини дайындашты. Бул тууралуу Жогорку Кеңештин отурумунда депутат Тазабек Икрамов билдирди.
Айтымында, мамлекеттик компанияда башка жарандыгы менен Алымжан Хасанов иштеп жатат. Депутаттын пикиринде, стратегиялык объектте мындайларга жол берилбеши керек.
««Кыргыз темир жолу» — бул стратегиялык объект. Аны бул кызматка ким алып келди? Унаа жана жолдор министрлиги мындай чечим үчүн жооп бериши керек», -деди депутат.
