Америкалык президенттин өлкөгө келүү ниети тууралуу анын Глобалдык өнөктөштүк боюнча атайын өкүлү Паоло Замполли айтып берди.
Бул сапардын так мөөнөтү азырынча атала элек.«Тахлилнома» программасына берген маегинде Замполли Трамптын графиги жыш экенине карабастан, америкалык лидер Өзбекстанга барууну каалай турганын ага жеке өзү айтканын белгиледи.
Атайын өкүлдүн айтымында, ал өзү да мындай сапар идеясын активдүү колдоп келет жана ал мүмкүн болушунча эртерээк ишке ашат деген үмүттө. Замполли ошондой эле Өзбекстан Ак үй жана АКШ администрациясы үчүн маанилүү багыттардын бирине айланганын кошумчалады.
Буга чейин Өзбекстандын президенти Шавкат Мирзиеев Трампты америкалык лидер үчүн ынгайлуу убакта өлкөгө келип кетүүгө бир нече жолу чакырган. Август айындагы телефондук сүйлөшүүдө ал АКШ президентин Өзбекстанга расмий сапар менен келүүгө кайрадан чакырган.