Бишкектин тургундары турак-үйлөрдүн жанындагы жер аянттарын каттоого тыюу салуу тууралуу өкмөттүн токтомун жокко чыгаруу талабы менен митингге чыгышты.
«Биздин укук» коомдук фондунун төрайымы Калича Умуралиеванын айтымында, өкмөттүн мындай токтому куруучулардын кызыкчылыгы үчүн кабыл алынган.
«Эми көп кабаттуу үйлөрдүн жашоочулары үйдүн жанындагы жер аянты үчүн кызыл китеп ала алышпайт. Соттук териштирүүлөр боло турган болсо, сот аталган жер жашоочуларга тиешелүү эмес деп таап, аны мыйзамдын негизинде алып коюушу мүмкүн», — деди ал.
