Каракчылык менен кол салуу. Кылмыштар ички мигранттар тарабынан жасалат
11:54, 07-сентябрь 2018, Бишкек - 24.kg
Кыргызстанда каракчылык менен кол салуу боюнча кылмыш иши 80 пайызга жакыны ички мигранттар тарабынан жасалат. Бул тууралуу тегерек столдо Криминалдык милиция башкармалыгынын башчысы Марлис Жумабаев билдирди.
Анын айтымында, жыл башынан бери 200гө жакын каракчылык менен кол салуу фактысы катталды. Алардын көбүнүн бети ачылды.
«Кылмыштардын басымдуу бөлүгү ички мигранттар тарабынан жасалат. Алар мүлктөрдү талап-тоношот», —деди Марлис Джумабаев.
