«Коопсуз шаар» долбоорунун алкагында кошумча дагы 8 видеобайкоочу камералар орнотулат. Бул тууралуу «Коопсуз шаар» долбоорунун бет ачары учурунда Маалыматтык технология жана байланыш кызматынын төрагасынын орун басары Кубаныч Шантемиров билдирди.
Анын айтымында, мындай кадам өлкө аймагындагы жол кырсыктарынын санын азайтат.
Кошумчалай кетсек, «Коопсуз шаар» — «Акылдуу шаар» масштабдуу долбоорунун бир гана компоненти. Ал борбордун көчөлөрүндөгү, эл аралык трассалардагы жол кыймылынын эрежелерин бузууларды аныктоону камтыйт.
