14:38
USD 68.90
EUR 80.95
RUB 1.04

Жумакадыр Акенеев 64 жашында дүйнөдөн кайтты

Коомдук ишмер, саясатчы, экономика илимдеринин доктору Жумакадыр Акенеев 64 жашында дүйнө салды. Маалыматка караганда, ал Мамакеев атындагы Улуттук хирургиялык борборунун кайра жандандыруу бөлүмүндө каза болду.

Жумакадыр Акенеев 1954-жылы Ысык-Көл облусунун Улахол айылында төрөлгөн. 1976-жылы Фрунзедеги политехникалык институтун «инженер-экономист» адистиги оюнча бүтүргөн. 1998-жылы экономикалык илимдердин доктору болгон.

Ал 1993-1997-жылдары Кыргызстандын Статистикалык комитетин, 1997-1998-жылдары Айыл жана суу чарба министрлигин башкарган. «Комсомол» коомдук бирикмесинин төрагасы, 2011-2013-жылдары Кыргызстандын Нефтетрейдерлер ассоциациясынын президенти болгон.

2017-жылы «Даңк» медалы менен сыйланган.

Эң көп окулган жаңылыктар