Нарындыктар чегирткелерге каршы. 45 миң гектарга дары себилди

Нарын облустук өсүмдүктөрдү коргоо кызматы Ак-Талаа, Жумгал, Ат-Башы жана Нарын райондорунун айдоо талааларында инвазияга каршы химиялык дарылоо иштерин жүргүзүшүүдө. Бул тууралуу ӨКМнын басма сөз кызматы билдирди.

Маалыматка караганда,  45 030 гектар айдоо жерлерине дары себүү иштери жүргүзүлдү. 

Эске салсак, май айында аталган райондордо жаныбарларды жана өсүмдүктөрдү коргоо кызматы тарабынан атайын пландын негизинде текшерүү жүргүзүлүп, жалпы облус боюнча 42 266 гектар айдоо аянттарын жана жайыттарын чегиртке каптагандыгы аныкталган.