Улуттук Энергохолдинг компаниясынын мурунку башчысы Айбек Калиевди кыйноолорду алдын алуу боюнча Улуттук борбордун кызматкерлери зыярат кылышты. Бул тууралуу «24.kg» агенттигине аталган борбордун башчысы Нурдин Сулайманов билдирди.
Маалыматка караганда, мурунку аткаминердин ден соолугуна байланыштуу нааразычылыгы жок. Эске салсак, Айбек Калиев жемкорлук боюнча айыпталып тергөө абагында жатат.
«Айбек Калиев бир жума мурун бөйрөгү ооруганын билдирген. Ал анализдерин тапшырды, жыйынтыгы начар эмес. Улуттук Энергохолдинг компаниясынын мурунку башчысы тергөө абагындагы машыктыруучу залда машыгып жатканын айтты», — деди Нурдин Сулайманов.
