Стамбулдун «Ата-Түрк» аба майданынын аймагынан дайынсыз болуп жаткан кыргызстандык кыз табылды. Бул тууралуу ТИМдин басма сөз кызматы билдирди.
Маалым болгондой, дайынсыз болуп жаткан кыз 15-июнда Анкара шаарындагы ооруканалардын биринен табылганын Түркиядагы элчилик тастыктады. Ошондой эле, кыздын банктагы акчасын атасы өзү алгандыгы маалым болду.
15-июнда кыз Элчиликтин кызматкерлери жана бир тууганынын коштоосунда Анкаранын аэропортуна жеткирилип, ошол эле күнү Бишкек шаарына аман-эсен учуп келген.
Эске салсак, Нургиза Кулмамбетова Торонто-Стамбул-Бишкек каттамы менен учуп келе жатып Стамбулдун аба майданынын аймагынан дайынсыз болуп, аны издөөгө алышкан.
