Мурунку премьер-министр Сапар Исаковду дагы сурак берүүгө чакырышты. Бул тууралуу «24.kg» агенттигине ал өзү билдирди.
Маалым болгондой, Сапар Исаков УКМКнын тергөөчүсүнүн сурагына саат 14:00гө барышы керек. Мурунку премьер-министрди УКМК төртүнчү жолу суракка чакырып жатат. Анын айтымында, Бишкек ЖЭБди модернизациялоого карата козголгон кылмыш иши боюнча күбө катары сурак берүүдө.
Аталган чуулгандуу иш боюнча энергетика тармагындагы 7 кызматкерге жемкорлук беренеси боюнча айып тагылууда.
