Кыргызстанда 5 ай аралыгында 13 киши сууга чөккөн. Бул тууралуу Кыргызстандын жана Казакстандын өзгөчө кырдаалдар министрлигинин жыйынында мекеменин суучулдар кызматынын башчысы Урматбек Шамырканов билдирди.
Маалыматка ылайык, алардын ичинен сегизи эркек киши, төртү аял жана бири өспүрүм.
«Алардын сууга чөгүп кетүүсүнүн башкы себеби коопсуздук эрежелерин сактабагандыгында. 2017-жылы 70 пайыз киши түшүүгө уруксат берилбеген жерден чөккөн», — деди Урматбек Шамырканов.
Ошондой эле 2017-жылы Ысык-Көлдө 160тан ашык эс алуучу жайлардан 21 кырсык катталган. Алар республика боюнча сууга чөгүү фактысынын 15 пайызын түзөт.
